సాష్టాంగ నమస్కారం కందములు
శిరసా ఉరసా మనసా దృష్ట్వా వచసా తథా
కర్ణాభ్యాం కరాభ్యాం పదాభ్యాం ప్రణమోష్టాంగ ముచ్యతే
శిరస్సు/తల
జ్ఞానమునకు శిరము శిరము
వీనులు, నయనములు రసన వివరము జూడన్
ఘోణము యజినము కలిసి
క్షోణిన జేరిచి నిలువున కొలుపులు చేతున్
రసన = నాలుక
ఘోణము = నాసిక
యజినము = చర్మము
కొలుపు = నమస్కారము
ఉరస్సు/ఛాతీ
కం.
హృదయము యూపిరితిత్తులు
సదనముగ గలదిగ యురము సరభము వీడిన్
ముదమున యర్పణ సేసెద
మది నిన్నెపుడును దలచెద మరియాదలివే
సరభము = వ్యగ్రత
మనస్సు
కం.
మనసున కలుగును తలపులు
కనబడకను పరులకెపుడు కడలిని బోలిన్
వినయమునర్పణ సేసెద
కనికరమున గైకొనగదె కరుణను జూపీ
దృష్టి / నయనములు
కం.
నిను కనుగొనిన నయనములు
మనమును మరియొక దిసలకు మరలక ముందే
కనులను నిచ్చెద నీకును
కొనుమా నను నీకడకును కోరిక దీర్చన్
వచస్సు/నోరు
కం.
బుధజనులానందింపగ
యధరముల నొసగితివి మరి యలసము లేకన్
మధురముగ నుతులు చేసెద
పథమును జూపగ యడిగితి పరిపరి విధమున్
కర్ణములు /చెవులు
కం.
నిరతము నీ నుతులు వినగ
గురువుల యానతి విని మరి గురుతెరిగితినీ
దురితములను సైరించియు
పరమపదమునీయు మిపుడు పరదేవతవే
కరములు/చేతులు
కం.
షోడష పూజలు సేయగ
వేడెద మరి పరమ పురుషు వేసట లేకన్
కీడులు బాపవె దయగొని
జోడించెద కరములు మరి జోతలు సేయన్
పదములు \ కాళ్ళు
కం.
పదములనుపయోగించితి
మధురమున నిను నుతిచేయ మరి దారి యదే
పదములతో నిను చేరుదు
గద పథమును జూపరావె కరుణతొ నేడున్
No comments:
Post a Comment